[البارحة نومي تعاسه]بقلم:الرايز: [هاجوس السـفر]بقلم:الرايز: [طوّل المحبوب]بقلم:الرايز: [يا ولد صب قهوه]بقلم:الرايز: [فيض القريحه]بقلم:المشرف: [قلبي مع الزين]بقلم:المشرف: [تمتعي بالغلا]بقلم:المشرف: [خرب المزاج]بقلم:المشرف: [زادي قليل]بقلم:المشرف: [تو فور وون فايف]بقلم:المشرف:
التسجيل الآن
خـرب المـزاج وعقـب ماخـرب ماراق=ومشيـن مـن التكديـر عقب الرواقـه جبـت القلـم وأدنيـت للحبـر الأوراق=وأمليـت ممــا عـل كبـدي مذاقــــــه عليك يامقسم على الخلق الأرزاق=شكواي ماعد بي على الصبر طاقه أسهـر ولـو ماهـوب رغبـات الأمــواق=ومـع السهـر عـز الله إن لـي علاقــه ولايسـهر ألا اللـي مـن الهـم منعاق=عــن ويــش مــاوده بدنيــاه عاقـــــه يـــاجــاهل بالـــوقت والـــوقت دراق=إنشـد مـن اللـي مـر الأيـام ذاقـــــه باوصيـك لامـن قفلت معك الأخــلاق=وصـار بك مـن جـور الليالي حماقــه بـاب الكـريم ولاتضيـق بك الآفاق=وعـن منـة المخلـوق لـو لـك فاقــــه وحــذراك لاتــرافق مخــادع وبــــواق=لـو هـو عطاك من أثمن الورد باقـــه لاساقتــه نكبـات الأيـام وإنســـــاق= مـن صاحبــه لاشـر مانساق ساقه وحـذراك من بالهـرج يعطون الأنفاق=حـــذرا المنـــافق لايغـــرك نفاقـــــه جهلـت فيها ليـن ساوقت الأسـواق=ومـن التجــارب صار عندي لياقـــــه بعض العـرب يضيق صدرك ليا ضاق=وبعض العرب يسعدك طاري فراقــه وبعض العرب ماله مع العرب معتاق=مــايقرنه بالأصـل غيــر البطاقــــــه بقلم : المشرف
