القصيده :البارحة نومي تعاسه
البارحة نومي تعاسه وكابوس=كوعي طوال الليل مركى لراسي
شفت الفضاء في نظرة العين معكوس=وضع القمر في الكون غير متواسي
الأرض تطوى في خيالي كما القوس=تهدمت فيها الجبال الرواسي
الليل طال وتالي الليل منحوس=والموق عيا لا يذوق النعاسي
حشة معاليق الحشاء حش بالموس=الدم جاله بالعروق احتباسي
دست الوفاء يا صاحبي بالقدم دوس=مدري غدرك الوقت ولا انت ناسي
اسأل عليك من الهوى كل نسنونس=ما مر طيفك يا عديم الجناسي
اسأل شعاع الشمس ويقول مدسوس=ماله على وجه البسيطة مراسي
أرسلت لك تسعه وتسعين جاسوس=وكمالة المية زعيمٍ سياسي
ولا منهم اللي جاب لي علم ملموس=ولاني مصدقهم واكذب احساسي
